व्यसन लावणाऱ्या 'मोबाईल गेम्स' खेळायचे टाळा

जत,(प्रतिनिधी)-
मोबाईल गेम आणि त्यांचं वेड याविषयी आपण माहिती करून घेतली. खरं तर मोबाइलच्या दुनियेतील प्रत्येक गेम 'अँडिक्शन' अर्थात खेळण्याचं व्यसन लावणारा असतो. त्यामुळे मनोरंजनासाठी गेम खेळत असताना काळजी घ्यायलाच हवी. मोबाइल विशेषत: स्मार्ट फोनवर गेमचं एक स्वतंत्र दालनच उपलब्ध आहे. या दालनात लाखो गेम दिसून येतात. यातील लोकप्रिय गेमची संख्याच शेकडोंच्या घरात आहे. अगदी मेंदूला चालना देणारे, गणिती, अँक्शन, मनोरंजनात्मक, आर्केड, सिम्युलेटिंग, ऑनलाइन अशा विविध वर्गामध्ये हे गेम विभागले गेलेले असतात. यातील अनेक गेम खरंच खेळणार्‍यांचं मनोरंजन करतात, त्यांचा मानसिक ताण कमी करतात. मात्र बहुतांश गेम हे निव्वळ वापरकर्त्यांना गुंतवून ठेवणारे असतात. वापरकर्ता जितका जास्त वेळ हा गेम खेळत राहतो, तितक्या त्या गेमवर झळकणार्‍या जाहिरातींची संख्या वाढते.
थोडक्यात, संकेतस्थळांवरील जाहिराती जशा 'पेज हिट्स'वर ठरतात, तसे मोबाइल गेमवरील जाहिराती वापरकर्ते तो किती वेळ खेळतात, यावर ठरतात. त्यामुळे या गेमचा प्रमुख उद्देश वापरकर्त्यांला गेमचं 'व्यसन' लावणं हाच असतो. अशा व्यसनाचा खेळणार्‍याच्या मानसिक, शारीरिक सवयींवर विपरीत परिणाम होऊ शकतो. शिवाय एकदा खेळण्याचं वेड लागलं की त्या गेमच्या पुढच्या लेव्हल खेळण्यासाठी पैसे मोजण्याचीही तयारी वापरकर्ते दाखवतात. गेम खेळणार्‍यांमध्ये लहान मुलांचं प्रमाणही अधिक असतं. त्यामुळे पालकांनीही याबाबत खबरदारी घेणं आवश्यक आहे.
अँपलच्या डिजिटल स्टोअरमध्ये मुलांचे 'अलाऊन्स' अर्थात त्यांना एखादे अँप वा गेम खरेदी करायचा असेल तर ते किती रकमेपयर्ंत खरेदी करू शकतात, याची र्मयादा ठरवता येते. 'अलाऊन्स' कमाल र्मयादेवर पोहोचल्यास वापरकर्त्यांला खरेदी करता येत नाही. गेम डाऊनलोड करतानाच तो सशुल्क आहे का याची चाचपणी करावी. बहुतांश वेळा गेम सुरुवातीला मोफत असतात. मात्र त्यातील पुढील लेव्हल किंवा टप्पे खेळण्यासाठी वापरकर्त्यांला रक्कम भरण्यास सांगितलं जातं. यावरही लक्ष ठेवून 'इन अँप पर्चेसेस' अशी नोंद असलेल्या गेमबद्दल सतर्कता बाळगावी.
मुलांकडून अनाहूतपणे गेम वा अँपच्या खरेदीचा व्यवहार होऊ शकतो. हे टाळण्यासाठी प्ले स्टोअर किंवा अँप स्टोअरशी तुमचं कार्ड वा बँक अकाऊंट जोडू नका. मोबाइलवर नेट बँकिंगचं कनेक्शन ऑन असेल, ते 'बार्टर' करून ठेवलं असेल तर गेम खेळत असताना काही लेव्हलचे चार्जेस तसेच गेम खेळता खेळता येणार्‍या लिंक अथवा जाहिरातींवर चुकून क्लिक केलं तर ते डाऊनलोड होऊन परस्पर पैसे वळते होतात