विविध राशींच्या महिला आणि दिवाळीचा फराळ

मेष : समोर डिश ठेवून घ्या. एवढेच म्हणणार.... आग्रह वगैरे नाहीच. गप्प बसून राहणार...

येणार्‍याला कुठून आलो असे होते.

वृषभ : यांची तर्‍हाच वेगळी.... डिश पुढे ठेवून इतका आग्रह करतील... की पाहुण्याची वृश्‍चिकेची फटकळ पत्नी म्हणते... ‘अहो खातो आम्ही आमच्या हाताने, भरवू नका.‘

 मिथुन : कुठल्याच बाबतीत सिरियसनेस नाही.‘ अय्या खरंच आलात की तुम्ही‘, आता आमची चकली खाऊनच जा. तुटली तर तुम्ही जिंकलात.‘

कर्क : कायम धास्तावलेल्या बरं का! या वेळेस मोतीचूर लाडू घरी बनवलेले नाहीत. समोरच्या दुकानातून आणलेत. तूप चांगलं वापरत नाहीत म्हणे... पण आम्ही खाल्ले‘... घ्या ना...

 सिंह : मला अनारसे बनवता येत नाहीत. ते मागू नका... आणि मुलाला बोलावले नसताना घेऊन आलाय. सांभाळा त्याला...

कन्या : इतका वेळ डिश पुसत बसणार की मेषेचा पाहुणा स्वतःच्या खिशातल्या रूमालाने डिश पुसून फराळ वाढून घेतो.

 तुळ : ताजं द्यायला हवं हे इतकं डोक्यात बसलेलं असत की पाहूणे आल्यावर लाडू वळायला घेतात.

वृश्‍चिक : मुलुखमैदान तोफ पाहुण्यांसमोरच नवर्‍याला ओरडणार.. ‘सकाळपासून पाच बेसनलाडू हादडून झालेत. आता यांच्याबरोबर अजून एक कसला घेताय?‘

धनु : मला नेहमी काहीतरी हटके आवडतं. म्हणून रूटीन फराळाचे न देता मस्त फोडणीची पोळी देते.‘ बिचारा कर्केचा पाहुणा निमूटपणे ते अन्नब्रह्म गिळतो.

मकर : आता महागाई इतकी झालीय... त्यात यांना बोनसही नाही मिळाला. उगा तुम्हाला बोलावलेय म्हणून केलं सगळे‘ पाहुणा बघत राहतो.

कुंभ : दिवाळी दरवर्षीच येते, पण आयुष्याचा भरवसा नाही.पुढच्या वर्षी तुम्ही असाल नसाल म्हणून आत्ता बोलावलेय.‘

मीन : अहो तुम्हाला बोलावलेय हे विसरले....‘ए चिंटू समोरच्या मिठाईवाल्याकडून आण सगळे पाव पाव किलो, हे काही जास्त खात नाहीत‘

 *****

पप्पू ग्रंथालयामधे जाऊन विचारतो. आत्महत्या कोणत्या पद्धतीने करावी या विषयी पुस्तक आहे का? ग्रंथपाल त्याला निरखून पाहतो आणि विचारतो. पुस्तक परत करायला कोण येणार ते आधी सांग?