व्हॉट्सअ‍ॅपवरील मूर्ख लोकांची लक्षणे

 मूर्ख : फ्री मध्ये बॅलन्स, मोबाइल, पेनड्राइव्ह, टि शर्ट मिळेल. असे मेसेज फॉरवर्ड करणारे. (फक्त लिंक वर क्लिक करा आणि क्लिक करतच रहा व नेटपॅक संपवा. शिवाय या वस्तू कधीच कोणाला भेटल्या नाहीत.)

काही वेडे : ही मुलगी हरवली आहे, हिला हिच्या घरी पोहचवा. या मध्ये कुठेही तारखेचा उल्लेख नसतो, मुलीच्या आई वडिलांचा फोन नंबर, पत्ता नसतो. फोन नंबर असलाच तर लागत नसतो. आला मेसेज की लागले फॉरवर्ड करायला!

अतीवेडे : अ‍ॅक्सिडेंटच्या बातम्या, फोटो पाठवतात, जे की दोन तीन वर्षाआधी झालेले असतात. यात कधीच तारीख नसते. आयुष्यभर फॉरवर्ड करतात.

बावळट : कोणत्याही देवाचा फोटो, संदेश , पत्ते, 108 वेळा लिहा, 121 वेळा लिहा असे लिहून, फॉरवर्ड नाही केले तर वाईट बातमी मिळेल, अशी धमकी देऊन लोकांना फॉरवर्ड करायला सांगाणारे. काय हो, देव कृपाळू आहे, त्याला व्हिलन का बनवताय?

मंदबुद्धि : पुजारी मंदिरात पूजा करत होता नंतर एक साप- माकड आला आणि त्याने माणसाचे रूप घेतले हा मेसेज पाठवा लॉटरी लागेल. (अरे मूर्खा, तुझीच नाही लागली तर आमची काय लागणार?)

काही दीड शहाणे : आताच जन्माला आलेल्या मुलाच्या गळ्यात पिन फसली आहे ऑपरेशनला 50 लाख लागणार. बायपास 10 लाखात होते. कोणत्या ऑपरेशनला 50 लाख लागतात भाऊ?

अती शहाणे : अशाच प्रकारे भावूक, हृदयद्रावक मेसेज टाकून सांगतात की फॉरवर्ड करा. यामुळे प्रति शेअरिंग 50 पैसे व्हॉट्सअप कडून मिळतील. कधी मिळणार? कसे मिळणार ?कोण व्हॉट्सअपचा माणूस पैसे आणून देणार? ऑफिस कुठे आहे व्हॉट्सअपचं, माहित आहे का?

बेअक्कल : मेसेज पुढे पाठवा बॅटरी फुल चार्ज होईल किंवा कुलूप उघडेल (म्हणजे फिजीक्स नावाची काही गोष्ट आहे की नाही?)

जडबुद्धी : एखाद्याचे महत्वाचे डॉक्यूमेंट सापडले आहेत. हा मेसेज त्यांच्यापर्यंत पोहोचवण्यासाठी मदत करा. (अरे, डॉक्यूमेंट वर त्याचा पत्ता आणि नंबर नाही का? ते आधी नीट बघा.

अजून काही वेडेपणा : आज दुपारी 12:30 ते 3:30 यावेळेत कॉस्मो किरणे मंगळावरुन पृथ्वीवर प्रवेश करणार आहेत. यावेळेत तुमचा मोबाईल शक्यतो स्विच ऑफ ठेवा आणि शरीरापासून दूर ठेवा कारण काँस्मो किरणे खुपच घातक ठरु शकतात अस ‘नासा’नी बीबीसी न्यूजचॅनेलवर थोड्या वेळापूर्वी जाहीर केलंय. म्हणजे जणू काही हे येडं बीबीसी हे इंग्लिश चॅनेल रात्रंदिवस पाहत असतात आणि हे असे मेसेज पोस्ट करून वर सांगितात. जास्तीत जास्त शेयर करा किंवा हा मेसेज सगळ्या ग्रुप वर पाठवा. लगेच पाठवा (जसं काही सगळ्या जगाची काळजी या मूर्खांवरच पडली आहे. ) तेव्हा, फालतू मेसेज पाठवून स्वतःचा आणि दुसर्‍यांचा वेळ वाया घालवू नका आणि मोबाईलला कचरा पेटी नका बनवू.!

 *****

 साप घरावर दिसला की, लोक त्याला दांडक्याने मारतात, पण तोच साप शिवपिंडीवर दिसला तर त्याला दूध पाजतात. तात्पर्य : लोक सन्मान तुमचा नाही तर, तुम्ही ज्या स्थानावर आहात त्याचा करतात.

 *****

देवाने प्रत्येकाचं आयुष्य कसं छानपणे रंगवलंय, आभारी आहे मी देवाचा कारण माझं आयुष्य रंगवताना देवाने... तुमच्यासारख्या माणसांचा रंग माझ्या आयुष्यात भरलाय.

 *****

अहो, तुम्ही कुठे आहात? आफीसमध्येच आहात ना? घाबरल्या आवाजात बायकोने फोनवर नवर्‍याला विचारले. ‘हो... ऑफीसमधेच आहे मी, का, काय झाले?‘ नवर्‍याने कळवळून विचारले. ‘नाही, काही विशेष झालं नाही.... आपली कामवाली बाई कोणाबरतरी पळून गेली आहे म्हणे.... असं तिचा नवरा रडत सांगत आला आहे... म्हणून तुम्ही कुठे आहात हे विचारायला फोन केला...एवढंच...!

दोन दोस्त गप्पा मारत असतात...

पिंट्या : मला माझ्या गर्लफ्रेंडला एक सॉलिड गिफ्ट द्यायचं आहे. काय देऊ सांग ना.

बंड्या : असं कर... मस्तपैकी सोन्याची रिंग घे आणि ती दे.

 पिंट्या : छे... छे... हे असलं बारीक काय नको. एकदम मोठं, भक्कम असं काही तरी द्यायचंय.

बंड्या : हो का? मग एक काम कर. ट्रकचा टायरच दे!