नोव्हेंबरमध्ये तब्बल 10 दिवस बँका बंद राहणार

जर तुम्हाला बँकांसंबंधी काही कामे असतील तर लवकर उरकून घ्या. या महिन्यात तब्बल १२ दिवस बँका बंद राहणार आहेत. रिझर्व्ह बँक ऑफ इंडियाच्या वेबसाईटवर ही माहिती देण्यात आली आहे. नोव्हेंबर महिन्यात एक, दोन नव्हे तर १२ दिवस बँका बंद राहणार आहेत. या १२ दिवसात आठ सुट्टय़ा आणि चार रविवार यांचा समावेश आहे. वेगवेगळ्या राज्यात बँका बंद राहणार असून या सुट्टय़ांचा महाराष्ट्र राज्यावर फारसा परिणाम पडणार नाही. त्यामुळे महाराष्ट्रातील जनतेला अडचणीचा सामना करावा लागणार नाही.

या महिन्यात छट पुजा, गुरू नानक जयंती, कन्नड राज्योत्सव, वांग्ला फेस्टिव्हल, कनकदास जयंती, ल्हाबब टुचेन, सेंग कट स्नेम आणि रविवारचा समावेश आहे.  ३ नोव्हेंबर रोजी रविवार असल्याने सर्व राज्यांतील बँकांना सुट्टी आहे. ८ नोव्हेंबर रोजी शिलाँगमध्ये वांग्ला फेस्टिवल असल्याने सुट्टी आहे. ९ नोव्हेंबर रोजी सर्व राज्यांना दुसरा व चौथा शनिवार असल्याने बँका बंद राहणार आहेत. १0 नोव्हेंबर रोजी रविवार असल्याने सर्व राज्यांना सुट्टी आहे. १२ नोव्हेंबर रोजी गुरू नानक जयंतीनिमित्त बेलापूर, भोपाळ, भुवनेश्‍वर, चंदीगड, देहरादून, हैदराबाद, जयपूर, जम्मू, कानपूर, कोलकाता, लखनौ, मुंबई, नागपूर, नवी दिल्ली, पाटणा, रायपूर, रांची, शिमला, श्रीनगरमधील शहरात बँकांना सुट्टी देण्यात आली आहे. १५ नोव्हेंबर रोजी कनकदास जयंती आणि ईद उल मिलाद उल नबीनिमित्त बेंगळुरू, जम्मू आणि काश्मीरमध्ये सुट्टी आहे. १७ नोव्हेंबर रोजी रविवार असल्याने सर्व राज्यातील बँकांना सुट्टी आहे. १९ नोव्हेंबर रोजी ल्हाबब दुचेननिमित्त गंगटोकमध्ये बँकाना सुट्टी आहे. २३ नोव्हेंबर रोजी चौथा शनिवारमुळे सर्व राज्यांना सुट्टी आहे. २४ नोव्हेंबर रोज रविवार असल्याने सर्व राज्यातील बँकांना सुट्टी असल्याची माहिती रिझर्व्ह बँकेच्या वेबसाईटवर देण्यात आली आहे.