जतमधील शाळेत चोरी

जतमधील  शाळेत चोरी

जत,(प्रतिनिधी)-

जत येथील शिवानुभव मंडपशेजारी असलेल्या जिल्हा परिषद मराठी शाळेतील कीचनमधील सुमारे सात हजार रुपयांची स्वयंपाकाची भांडी रविवारी मध्यरात्री अज्ञात चोरट्यांनी चोरीला नेली आहेत. या प्रकरणी जत पोलिसात फिर्याद देण्यात आली आहे. शाळेच्या पोषण आहाराची चार मोठी पातेली,त्याची चार झाकणे,लहान दोन पातेली,झारी,चमचे,फिल्टर भांडी,पाच लिटरचा कूकर,हळदपूड,चटणी,तेल असा सुमारे सात हजाराचा ऐवज लूटून नेला आहे.रविवारी मध्यरात्री अज्ञात चोरट्यांनी कीचनशेडच्या दरवाजाचे कुलूप तोडून हा ऐवज नेला आहे.याबाबत अधिक तपास पोलिस करत आहेत.

सांगली जिल्ह्यात केवळ दीड टक्के एचआयव्ही रुग्ण

जत,(प्रतिनिधी)-

प्रसारमाध्यमांमधील जाहिराती,पथनाट्ये,ग्रामस्तरावरील समुपदेशक यामुळे एचआयव्ही संक्रमण झालेल्या रुग्णांची संख्या झपाट्याने कमी झाली असून गेल्यावर्षी तपासणी केलेल्या रुग्णांमधील फक्त दीड टक्के रुग्णांना बाधा झाली असल्याची माहिती जिल्हा कार्यक्रम अधिकारी तथा एड्स नियंत्रक विवेक सावंत यांनी जत येथील शिक्षकांच्या एड्स जनजागृती कार्यशाळेत बोलताना दिली.

जत येथील रामराव विद्यामंदिर येथे एड्स जनजागृती  कार्यशाळा पार पडली. यावेळी श्री.सावंत बोलत होते. ते म्हाणाले, सांगली जिल्ह्यात 2004 मध्ये चाचणी केलेल्या रुग्णांपैकी 24 टक्के रुग्णांना एड्सची लागण झाली होती.2006 पर्यंत त्यात वाढ होत होती,मात्र त्यानंतर जनजागृतीमुळे एचआयव्ही बाधीत रुग्णांची संख्या कमी कमी होत गेली.आजही एचआयव्ही बाधीत रुग्णांची संख्या मिरज आणि जत तालुक्यात सर्वाधिक आहे.सगळ्यात कमी प्रमाण कडेगाव तालुक्यात आहे. 2013 मध्ये तपासणी झालेल्या रुग्णांपैकी1243 जणांना एचआयव्ही झाला होता.त्यात सर्वाधिक 546 एवढे रुग्ण मिरज तालुक्यातील आहेत. त्यानंतर 270 जत तालुक्यात रुग्ण आढळून आले.

87 टक्के एड्स हा असुरक्षित संबंधांमुळे होतो,त्यामुळे जास्तीत जास्त जनजागृती एड्सवर नियंत्रण आवश्यक आहे. यासाठी शिक्षक,मुख्याध्यापक यांनी गावपातळीवर जनजागृती करावी, असे आवाहनही श्री सावंत यांनी केले. प्रारंभी स्वागत व प्रास्ताविक शिक्षण विस्ताराधिकारी आर.डी.शिंदे यांनी तर आभार श्री.गेजगे यांनी मानले. यावेळी जत तालुक्यातील प्राथमिक व माध्यमिक शाळेचे मुख्यापक उपस्थित होते.