युवकांनी वरातीच्या पुढे नाचण्यापेक्षा शास्त्रीय नृत्यात प्राविण्य मिळवावे:यादव

जत,(प्रतिनिधी)-

युवकांनी वरातीच्या पुढे न नाचता एख्याद्या कलेत प्राविण्य मिळवून नावलौकीक मिळवा,असे आवाहन हास्यसम्राट संभाजी यादव(कोल्हापूर)यांनी जत येथील बसव व्याख्यानमालेत बोलताना केले.

जत येथील के.एम.हायस्कूल आणि ज्युनीअर कॉलेज व शारदा विद्यामंदिर यांच्या संयुक्त विद्यमाने आयोजित करण्यात आलेल्या बसव व्याख्यानमालेचे दूसरे पुष्प गुंफताना केले.'हसण्यासाठी जगा व जगण्यासाठी हसा' याविषयावर बोलत होते. जग फार सुंदर आहे.त्याचा चांगला उपयोग करा.विविध कलांमध्ये प्राविण्य मिळवा.वरातीपुढे हिडिसपणे नाचन्यापेक्षा शास्त्रीय नृत्यात प्राविण्य मिळवा.त्यामुळे चांगला नावलौकीक मिळेल.चित्रपटात काम करणारे अमिताभ बच्चन काही वरातीपुढे नाचले नाहीत.जगताना हसत रहा.त्यामुळे ताणविरहित जीवन जगता येते. यावेळी त्यांनी विविध वाद्यांचे,नेते-अभिनेते यांचे तसेच प्राणी-पक्षी यांचे आवाज काढून श्रोत्यांना मंत्रमुग्ध केले.विनोदी चुटके,प्रसंग सांगून हसवून सोडले.

प्रारंभी स्वागत व प्रास्ताविक मुख्याध्यापक आर.एम.सय्यद यांनी केले.पाहुण्यांची ओळख डी.एम.माळी यांनी करून दिली.सूत्रसंचालन भूषण माने व बिराजदार यांनी केले.आभार श्रीमती एम.डी.तवटी यांनी मानले.यावेळी दि पीपल्स एज्युकेशन सोसायटीचे अध्यक्ष धानाप्पा पट्टणशेट्टी,डॉ.मनोहर मोदी,माजी पं.स.माजी सभापती आर.के.पाटील,डॉ.विजय पाटील,शिवलिंगापा संख,हिट्टी,चंद्रशेखर गोब्बी,डॉ.अशोक मोगली,नगरसेवक परशुराम मोरे आदी उपस्थित होते.